लखनऊ : उत्तर प्रदेश के भारतीय जनता पार्टी इकाई में सबकुछ ठीक नईखे चलत एकर अटकलबाजी चलता। ओने उत्तर प्रदेश के मुख्यमंत्री योगी आदित्यनाथ 10 सीट प उपचुनाव खाती 30 मंत्रियन के टीम बनवले बाड़े, जवना में राज्य के दुनो उप सीएम शामिल नईखन। मतलब सीएम योगी के एह टीम में केशव प्रसाद मौर्य आ ब्रजेश पाठक के शामिल नइखे कइल गइल. सीएम योगी के स्पेशल 30 में यूपी के 10 सीट प होखेवाला उपचुनाव के जिम्मेवारी दिहल गईल बा। सीएम अपना स्पेशल 30 के माध्यम से यूपी में उपचुनाव जीते के रणनीति बनाईहे।
अब 10 गो विधानसभा सीट पर कमान मिलल 16 गो मंत्रियन के नाम बतावत बानी… करहल विधानसभा – जयवीर सिंह, योगेन्द्र उपाध्याय आ अजीत पाल सिंह मिल्कीपुर विधानसभा – सूर्य प्रताप शाही आ मयंकेश्वर शरण सिंह गिरीश यादव आ सतीश शर्मा कटेहरी विधानसभा – स्वतंत्रा देव सिंह आ आशीष पटेल आ दयाशंकर मिश्र सिसमऊ विधानसभा – सुरेश खन्ना आ नितिन अग्रवाल फूलपुर विधानसभा – दयाशंकर सिंह आ राकेश सचनमझवान विधानसभा – अनिल राजभर आशीष पटेल रविन्द्र जायसवाल रामकेश निषाद गाजियाबाद सदर विधानसभा – सुनील शर्मा बृजेश सिंह कपिल देव अग्रवाल मीरापुर विधानसभा – अनिल कुमार आ सोमेन्द्र तोमर आ केपीएस मलिकखैर विधानसभा- लक्ष्मी नारायण चौधरी आ संदीप सिंह कुंदरकी विधानसभा- धर्मपाल सिंह आ जेपीएस राठौर जसवंत सैनी आ गुलाब देवी
बता दीं कि मंगल का दिने भारतीय जनता पार्टी के प्रदेश अध्यक्ष आ बुध का दिने उप सीएम केशव प्रसाद मौर्य शीर्ष नेतृत्व से भेंट कइलन. एह दौरान राज्य में संगठन के बारे में जानकारी दिहल गईल। केशव प्रसाद मौर्य भी ट्वीट क के कहले रहले कि मजदूर के दर्द हमार दर्द ह। एही बीच सीएम योगी बुधवार के मंत्रियन के बैठक बोलवले रहले।
समाजवादी पार्टी के मुखिया अखिलेश यादव ट्वीट कइले बाडन भाजपा में जारी तनाव के निशाना बनवले बाडन। एकरा संगे-संगे संस्था के वरिष्ठ अधिकारी के भी जिम्मेवारी दिहल गईल बा।
